AstraGida

Astra Gernika(e)tik
Admin (Eztabaida | ekarpenak)(r)en berrikusketa, ordua: 12:31, 11 Apirila 2014

(ezb) ←Berrikuspen zaharragoa | Oraingo berrikuspena ikusi (ezb) | Berrikuspen berriagoa→ (ezb)
Hona jo: nabigazioa, bilatu

ASTRAGIDA


AURKIBIDEA

1. Sarrera

2. Zelan parte hartu Astran? 2. 1 Erabakiguneak 2.2 Zer egin behar da Astra erabili edo jardueraren bat antolatzeko?

3. Arloak 3.1 Bitartekaria 3.2 Egitaraua 3.3 Azpiegiturak eta obrak 3.4 Komunikazioa 3.5 Diruzaintza 3.5.1 Gardentasuna

4. ESPAZIOAK/BALIABIDEAK ( Zelan erabili?) 4.1 Gorputz faktoria 4.2 Arte eta eskulanen faktoria 4.3 Hacklaba 4.4 Komunikazio gela 4.5 Batzar gela 4.6 Barra 4.7 Eszenatokia eta backstage-a 4.8 Baliabide ez materialak


5. Administrazioa eta Astra

6. Eranskinak


1. SARRERA

Astra tresna konpartitua da, inguruan duen komunitateak autogestionatzen duen espazioa. Izaera irekia du eta edonork antolatu dezake jardueraren bat Astran, edo bertako erabakietan eta kudeaketan parte hartu. Are gehiago esango dugu, jendearen parte-hartzerik gabe ezin du funtzionatu. Astraren bihotza herritar mugimendua da; norbanakoak, gazteak, sortzaileak, kultur elkarteak, gizarte eragileak… euren guztien auzolanarekin bakarrik egin dezake aurrera Astrak.

Astra eremu malgua ere bada; dibertsoa, esperimentaziora emana, egiteko modu ezberdinak sustatzen dituena, antolatzeko, pentsatzeko, sortzeko bide berriak batu nahi dituena.

Horregatik guztiagatik, Astra denon artean kudeatzen delako eta egiteko modu ezberdinak daudelako, Astra Koordinadorak beharrezkoa ikusi du denon artean adostutako Astraren parte-hartze eta erabilera gida bat osatzea. Astrak elkarlana nahiz norbanako eta eragileen autonomia sustatzen ditu. Horregatik hizkuntza eta prozedura komunak behar ditu, modu egokian konpartitzeko Astra.

Zelan parte hartzen da Astran? Zelan erabili dezakegu erreminta hori gure jarduerak, desirak, borrokak, proiektuaks aurrera eramateko? Zelan kudeatu behar ditugu bertako espazio eta baliabideak? Ze aukera eskaintzen dizkio gure kolektibo edo elkarteari? Zeintzuk dira bere mugak? Nola finantzatzen da?

Astrako parte-hartze prozesuekiko fidela izan nahi duen AstraGidan galdera guztien erantzunak aurkituko dituzu. Eta erantzunen bat aurkitzen ez baduzu egin galdera eta AstraGidara gehituko dugu! Gauza bera aldaketa edo hobekuntzaren bat proposatu nahi baduzu! Testu hau etengabe aldatu eta hobetzeko dago!

On egin!!


2. ZELAN PARTE HARTU ASTRAN?

Astran parte hartzeko bide eta modu asko dago. Astran dagoen kontzertu batera joatea Astran parte hartzea da, Astran dagoen auzolanetara joatea Astran parte hartzea da, Astran egiten diren kudeaketa bileretara joatea Astran parte hartzea da, Astrako mahai batean jesarri eta edalontziak batzea Astran parte hartzea da, Astrako sare sozialetako berriak konpartitzea Astran parte hartzea da, Astrari babesa ematea Astran parte hartzea da. Astra sare bat da, eta sare horretan modu askotan parte hartu daiteke. Konpromiso maila ezberdinak daude; konpromiso batzuk denbora eta ardura handiak eskatzen dituzte, eta beste batzuek ez horrenbeste, baina horregatik ez diote uzten garrantzitsu izateari. Konpromiso maila horien arteko oreka beharrezkoa da Astran. Konpromiso guztiek dute bata bestearen beharra, esate baterako, Astrako lan-talderen batean egunero parte hartzen duenak Astra babesten duten pertsonen beharra du.

Modu askotan parte hartu daiteke, eta norberak erabaki behar du zein den Astrarekiko konpromiso maila. Konpromiso maila handiago edo txikiagoa izateak, lan gutxiago edo gehiago egiteak, ez dio inori ahots eta erabaki ahalmena kentzen edo gehiago ematen.

Astraren kudeaketan parte hartu eta erabaki nahi izanez gero, jarraian azaltzen diren erabakiguneetan parte hartu daiteke, guztiak baitira irekiak.


2.1. Erabakiguneak

Argi utzi behar da Astra Proiektuan parte-hartzea etengabekoa eta irekia dela, eta hurrengo lerroetan agertuko diren erabakiguneetan edonork eta edonoiz parte hartu dezakeela. Hau azpimarratzea oso garrantzitsua da. Ordutegi eta maiztasun aldakorra duten erabakiguneen hitzorduak gutxienez astebeteko aurrerapenez jakinarazten dira.






ASTRA KOORDINADORA/ASANBLEA

Funtzioa: Proiektua garatzeko beharrezkoak diren erabaki potoloak hartzea du xede —parte-hartze prozesuak, finantziazioa, erakundeekin harremanak…—. Osaketa: Gernika-Lumoko kultur eta gizarte eragileetako hainbat ordezkari eta herritarrak biltzen dira. Ordutegia/Maiztasuna: Momentuan momentuko beharrizanen arabera, Asanblearen maiztasuna eta ordutegia aldatu egiten da. Une honetan, urtaro bakoitzean bat egiten da.


KUDEAKETA LAN-TALDEA

Funtzioa: Egunerokotasunean dauden beharrizanei, arazoei eta proiektuei irtenbidea emateko eratu zen. Batez ere, Astra Proiektuaren kudeaketa teknikoaz zerikusia duten erabakiak hartzen dira bertan. Osaketa: Lan-taldeetako ordezkariak eta parte hartu nahi duten herritarrak. Ordutegia/Maiztasuna: Asteazkenero, 19:00etatik aurrera.


EGITARAU LAN-TALDEA

Funtzioa: Astrako egitaraua koordinatzea. Astrara heltzen diren proposamenei erantzuna ematea. Osaketa: Lan-taldeko kideak eta parte hartu nahi duten herritarrak. Ordutegia/Maiztasuna: Asteartero. 19:00etan proposamenei harrera. 19:30ean bilera.

DIRUZAINTZA LAN-TALDEA

Funtzioa: Astraren ekonomiaz arduratzea. Diru kontu guztiak herritarren eskura jartzea. Osaketa: Lan-taldeko kideak eta parte hartu nahi duten herritarrak. Ordutegia/Maiztasuna: Bi asterik behin, martitzenetan. 19:00etan.

KOMUNIKAZIO LAN-TALDEA

Funtzioa: Astraren barne eta kanpo komunikazioaz arduratzea. Osaketa: Lan-taldeko kideak eta parte hartu nahi duten herritarrak. Ordutegia/Maiztasuna: Asteartero, 19:00etan.

AZPIEGITURA LAN-TALDEA

Funtzioa: Astrako azpiegiturak zaintzea, kudeatzea eta unean uneko beharrizanetara egokitzea. Osaketa: Lan-taldeko kideak eta parte hartu nahi duten herritarrak. Ordutegia/Maiztasuna: Beharrizanen bat dagoenean.

BITARTEKARIA

Funtzioa: Astra Proiektuaren eta herritarren arteko zubilana egitea. Ordutegia/Maiztasuna: Astelehenetik barikura, 16:30etik 20:30era.



2.2 Zer egin behar da Astra erabili edo jardueraren bat antolatzeko?


Astra erabili edo jardueraren bat antolatzeko, bide ezberdinak daude aurrera eraman nahi den jardueraren arabera. Jarduera posible guzti hauek zerrendatzen saiatuko gara eta eman beharreko pausoak azalduko ditugu:

Bilerak eta asanbleak

Astran bileraren bat egin edo modu iraunkorrean Astran batu nahi izanez gero, bitartekariarekin jarri behar da harremanetan. Horretarako, bi bide daude: batetik, astelehenetik ostiralera 16:30etik 20:30era eraikinera hurbildu eta berarekin hitz eginez; bestetik, honako helbide elektronikora idatziz: info@astragernika.net.

Baliabideak erabili (ordenagailuak, gorputz faktoria…)

Astrako baliabideren bat lehen aldiz erabiltzeko, oro har, bitartekariarekin jarri behar da harremanetan, esate baterako, ordenagailuak erabiltzeko, gorputz faktoria modu puntualean erabiltzeko edo arte faktorian kuadro bat margozteko. Baita esklusibitatea eskatzen badute ere publikoak izan gabe (ordu jakin batean espazio edo baliabide bat libre egotea egin nahi den jarduera aurrera eramateko), astero-astero gorputz faktoria behar bada ordu berean edo egun zehatz batean beharrezkoa bada arte eta eskulan faktoria erabiltzea. Baina erabilera horiek deialdi publiko baten bidez komunikatzen badira, egitarau lan-taldeari egin behar zaio proposamena modu egokian koordinatu eta komunikatu dezan, adibidez, kontzertu baten antolaketa.

Ekimen programatuak (kontzertuak, hitzaldiak, antzezlanak, jardunaldiak…)

Iraupen laburreko jarduerak dira, hala nola kontzertuak, kongresuak, hitzaldiak, erakusketak, tailerrak, epe laburreko ikastaroak, ensaioak… Proposamenaren berri emateko eta antolatzen hasteko, egitaraua@astragernika.net postara idatzi behar da. Lan-taldearen batzarrera ere joan daiteke proposamena zuzenean egitera, baina bilerara etorri arren aurrez aurre egoteko eta zalantzak argitzeko, posta beti idatzi behar da. Ikus postak idazteko jarraibidea.

Proiektu finkoak (ikastaroak, erresidentziak…)

Modu iraunkorrean egin eta leku zehatza behar duten proiektuak dira. Esate baterako, sorkuntza lanak, ikastaroak, elkarteak biltzeko leku finkoak, erresidentziak… Ekimen puntualen prozesu bera jarraitu behar da proposamena egiteko, baina erantzuna ez dagokio soilik egitarau lan-taldeari eta, beraz, erantzuteko prozesua zerbait luzatu daiteke.

Non daude jardueren mugak?

Astrak sustatzen dituen baloreen kontra doazen jarduerak oro har. Adibidez, ekimen arrazistaren bat antolatzea edo izaera autoritarioa duen jardueraren bat.

Astra diru irabazi asmorik gabeko espazioa da. Horrek esan nahi du bertan egiten diren jardueretan diru interesak saihestu nahi direla. Dirua ez da baztertzen, kontua da diru hori zertarako erabiltzen den, zein helbururekin egiten den dirua. Ez da gauza bera dirua kultur elkarte baten urteko jarduerak finantzatzeko erabiltzea edo interes pribatu eta itxi baterako, adibidez, kultur promotora pribatu handiren batek Astrako instalazioak erabiltzea diru interesarekin. Baloratu behar dena helburua da beti, atzean dauden arrazoiak. Ez da horrenbeste dirua egotea edo enpresa pribatua izatea, baizik eta helburuak ez izatea diru irabazi pribatu hutsekoak.

Astrako asanblean kudeaketaren inguruan hartutako erabakiak errespetatzea. Adibidez, gela bat jarduera jakin baterako erabiltzea erabaki bada, bestelako jarduerarik ez egitea gela horretan.


Zer eman behar da trukean?

Astran egiten dena jendearekin konpartitzeko moduak bilatzen ditugu, eta gernikarrek sorkuntza prozesutik eta Astran egiten diren ekimenetatik jakintzak ikastea eta trukatzea. Horri esaten diogu itzulera soziala egotea Astran, egindako lana konpartitzea, parte hartu eta ikasi ahal izatea, denon eskura egongo diren jakintza eta kultura libreagoen bidean, horrek herritarrak ahalduntzen baititu.

Astran diru trukeak baino garrantzi handiagoa du jakintza trukeak. Gainera, itzulera sozialaren ideiak babes bat ematen du proiektuaren izaera mantentzeko, hau da, dena irekia izatea, dirua ez izateko gauzarik inportanteena. Astra alokatzen den espazio bat izatetik ere babesten du. Horrela, antzerki talderen batek antzezlan bat sortu eta landuko balu Astran, obra horren itzulera soziala ez litzateke izango dirua, baizik eta obra hori Astran bertan estreinatzea, adibidez, edo antzerki talde horrek ikastaro trinko bat ematea Astran. Itzulera soziala egotea ez da derrigorrezko arau bat, inplizituki aurrera eraman beharko litzatekeen zerbait da.

(Koadro batean adibide moduan) Urrutxua argazki dendan ezagutu zuen Zigor Etxebarriak Lavasir Nordrum sortzailea. Zigor zenbait argazki inprimatu gura zebilen eta Lavasir zerbait erosteko asmoagaz hurbildu zen Gernikako argazki dendara. Dendariaren ingeles maila ez zen oso ona eta Zigorrek itzulpen lanari ekin zion. Horrela, hain zuzen, elkar ezagutu zuten Zigorrek eta Lavasirrek. Argazkilari eta bideogile norbegiarra Gernikari buruzko proiektu bat egiteko ikertzen zebilen eta Zigorrek Astrari buruz hitz egin zion. Argazkilariak berehala ikusi zuen arma lantegi zaharra bere lana egin eta aurkezteko leku ezinhobe bezala. Harrezkero Gernikara joan-etorri bat baino gehiago egin zuen Lavasirrek, eta bonbardaketaren 70eko urteurrenean aurkeztu zuen azkenean bere sorkuntza-lana. Artelan hori egiteko bidean inguruan batu zitzaizkion gazteek argazkia eta bideoa nahasten zituzten teknika berritzaileak ezagutu zituzten, beste era batera ezagutu ezingo lituzketenak seguruenik, edo ezagutzeko Gernikatik kanpora atera eta garesti ordaindu beharko lituzketen jakintzak. Lavasir “irakasle” ona zen.


3. ARLOAK

3.1 Bitartekaria

Bitartekaria Astraren eta herritarren arteko zubia da. Astrara hurbiltzen diren herritarrei harrera egin eta euren zalantzak argitzeaz gain, Astra erabili eta bertan parte hartzeko jarraibideak ematen dizkie. Horrez gain, bitartekariak Astrako erabiltzaileen arteko harreman sareak ere zaintzen ditu, interes komunak dituzten pertsona eta eragileak harremanetan jarriz. Adibidez, herrian eta Astran martxan dauden egitasmoen ezagutzatik elkarrekintzarako aukera berriak sustatuz. Bitartekariak Astrako tresna eta baliabide komunak ere zaintzen ditu eta hauek modu egokian erabiltzeko laguntza ematen die Astrako parte-hartzaileei, euren kabuz erabiltzen ikas dezaten.

Bitartekariak ez ditu egiten Astrako lan-taldeei dagozkien lanak, esate baterako, ez ditu jarduerak antolatzen. Ez da dinamizatzaile soziokulturala, ez da konserjea edo garbitzailea. Batez ere, Astra edonorentzat erabilgarri dagoela ziurtatzeaz arduratzen da.

Bitartekariak lanaldi erdian egiten du lan astelehenetik ostiralera gizarte segurantzan altan emanda, 16:30etik 20:30era. 590 euro garbiko 15 paga irabazten du urtean lan horregatik. Une honetan (2014ko urtarrilean) Goizane Bilbao da Astrako bitartekaria, eta herritar guztiei zabaldutako prozesu baten bidez aukeratu zuen Astra Koordinadorak. Gainera, bere lan orduetatik kanpo lan boluntarioa ere egiten du, Astra Koordinadorako edozein kidek bezala.


3.2 Egitaraua

Astrako egitaraua elkarlanean oinarritzen da, eta hainbat norbanakok eta eragilek egiten dituzten proposamen eta antolatzen dituzten jardueren bidez osatzen da. Egitarau lan-taldeak koordinazio lanak egiten ditu batez ere, normalean ez du ekimenik antolatzen, baina badaude salbuespenak, esate baterako, Astraren urteurrenak, Astra gauak (Astraren finantziaziorako)...

Egitarau lan-taldeak proposamen guztiak onartu eta koordinatzen ditu, Astraren oinarrien eta sustatzen dituen baloreen kontrakoak izan ezik. Adibidez, ezin da ekimen arrazista bat egin edo diru irabazi pribatu eta pertsonalak sortzea helburutzat duen jarduerarik.

Adibidez, 2013an egindako jardueren %80 ez du Astra Koordinadorak antolatu. Eredu honekin bi gauza bilatzen ditugu: bata, Astra Proiektuaren sostengagarritasuna, bestea, herritarrak ahalduntzea, pertsonen eta taldeen autonomia eta autoikaskuntza bultzatuz. Egitarauak bizitza propioa eduki eta inguruan duen mugimenduaren islada izan behar da, eta ez soilik Astra Koordinadoran parte hartzen duten pertsonen gustuen ispilu.

Jarduera egin nahi duenak berak hartuko du ekimen horren gaineko ardura eta Astra Koordinadorak Astran dauden tresna eta baliabideak erraztuko dizkio. Proposamena egiten duenak ez badaki zelan eraman aurrera bere jarduera, lagundu egingo zaio. Adibidez, norbaitek hitzaldi bat antolatu nahi badu, hitzaldi horren inguruan sortzen den lana bere gain hartu beharko du: aulkiak jarri, proiektorea, komunikazioa egin… Ikus: komunikazioa

Astrara iristen diren proposamen guztiak dira garrantzitsuak, baina Astra Koordinadorak arreta berezia jarriko die ondorengo kasuari: pertsona eta eragileen arteko elkarrekintza edo elkarlana sustatzen duten ekimenei, hori baita Astraren oinarrietako bat, baita Astraren filosofiarekin bat datozen ekimenei ere.

Horrez gainera, egitarau lan-taldea proaktiboa izango da, eta arlo sozial eta kulturalean lanean dabiltzan eragileei proposatuko die ekimenak antolatu ditzaten Astran, baldin eta interes komunekoak diren arloetan (parte-hartze prozesuetan zehaztutako arloak) hutsunerik balego.

Ekimena aurkeztutako denbora irizpide garrantzitsua izango da ekimen bati lehentasuna emateko orduan. Dena den, Astrak ezer onik badu, moldagarritasuna da, eta hainbat ekintza egin ahal izango dira aldi berean, salbuespenak salbu. Astra ez da horrenbeste erakusteko espazio bat, espazio sortzailea eta eragilea da eta egitarau lan-taldeak kontuan hartuko du.

Txikia handiaren parean jartzen du Astrak. Interes sozial, kritiko edo artistikoagatik sortutakoa lehenesten du merkatuaren interesen arabera sortutakoaren aurrean, sorkuntza lan zuzena ekoizpen industrialaren aurrean, xumetasunaren kultura zaintzen du diru-aurrekontu handien kulturaren aurrean.

Egitarauaren inguruan hartutako zenbait erabaki:

Musika

Astran hainbat musika emanaldi antolatzen dira urtean zehar. Hala ere, Astra Koordinadorak urte osoan musika emanaldi gutxi batzuk baino ez ditu antolatzen, batez ere Astra gauak, autofinantziaziorako. Aurrera eraman nahi dugun kudeaketa eredua jarraituz, Astran egiten diren kontzertu gehienak bestelako eragileek edo pertsonek antolatzen dituzte euren ekimenez: gazte eragileek, herriko elkarteek, musikaren inguruko ekimenek, musikari eta musikazaleek... Beraz, taldeek egindako proposamenak gorde egiten dira zerrenda batean, etorkizunean aukerarik badago, kontzertuak antolatzeko. Astran jotzeko nahia zerrenda batean biltzen da, eta hauxe eskuragarri jartzen dugu edozein eragilek Astran kontzerturen bat antolatu nahi badu, eskaera egin duten taldeen berri izateko.


Prezioak

Astra irabazi asmorik gabeko espazioa da eta, beraz, diru interesak saihestu nahi ditu. Hala ere, kontuan izanik inork ez duela bestelakorik asmatu, dirua presente dago hainbat jardueretan. Hala ere, mugak jartzen saiatzen gara, interes pribatuak saihesteko eta jendearen jakintza eta kulturarako eskubidea bermatzeko. Hori dela eta, oraingoz, gehienez 5 euroko sarrera kobratu daiteke Astran egiten diren ekimenetan, eta gehienez 5 euro ikastaroetako ordu bakoitzeko.

Egitarau lan-taldearen erantzun prozedura

Egitarau lan-taldea astearteetan batzen da, arratsaldeko 7etan. Herritar edo talderen batek Astran jardueraren bat programatu nahi izanez gero, egitaraua@astragernika.net postara idatzi behar du. Horrez gainera, lan-taldearen batzarrera etorri daiteke proposamena zuzenean egitera. Hala ere, bilerara etorri arren, posta beti idatzi behar da, zure proposamena erregistratuta geratzen dela bermatzen duelako, eta horrela egitarau lan-taldea hobeto antolatzen da eta bere jarduna gardenagoa da. Lehenengo proposamena Astrara etorrita egiten baduzu, izan liteke erantzuna zuzenean ez jasotzea, askotan beste lan-talde eta jarduera batzuekin kontrastatu behar delako.

Batzarraren lehenengo 30 minutuak harrerak egiteko erabiliko dira. Bertan proposamenak egin daitezke edo adostutako dauden jardueren inguruko zehaztasunak hitz ein daitezke. Hortik aurrera, egitarau lan-taldeak proposamen guztiak aztertu eta banan-banan erantzungo ditu korreoz. Horregatik, pazientzia eskatzen da egitarau lan-taldea astean behin biltzen delako.


(Koadro baten barruan sartzeko) Astran jarduera bat proposatzeko jarraibidea

Jarduera bat proposatzeko, ondoko galdera hauei erantzutea gomendatzen dizugu. Gida hau orokorra da eta jarduerak era askotakoak izan daitezke (tailerrak, kontzertuak, erakusketak, hitzaldiak, mahai-inguruak, proiekzioak, etab.), beraz, zure beharrizanen arabera egokitu dezakezu gida hau, baina ez utzi oinarrizko galderak erantzun gabe. Bidali galdera hauen erantzunak gure posta elektronikora (egitaraua@astragernika.net).

1.- Nor zara eta zer egiten duzu? Webgune bat baduzu zure proiektu edo jarduerekin, jar ezazu lotura.

2.- Zer da Astran egin nahi duzuna?

3.- Nork antolatuko du? Jarri jarduera egingo duen pertsona/kolektibo/talde artistiko, sozial edo kulturalaren izena.

4.- Zer behar duzu? Zehaztu zenbat pertsonentzat dagoen pentsatuta jarduera edo zenbat pertsona espero duzun hurreratzea. Bestalde, zein baliabide tekniko erabiliko duzun zehaztu (proiektorea, mikrofonoak, erremintak, aulkiak, etab.). Hau oso garrantzitsua da, zure jarduera burutzeko egokiena den espazioa zein den pentsatzen lagunduko digulako. Astrak baditu erabiltzaileen eskura dauden baliabide tekniko batzuk, baina hortik aparte beste zerbait behar baduzu, zuk zeuk lortu beharko duzu edo laguntza eskatu ahal diguzu eta guk ahal dugun laguntza eskainiko dizugu. Gure webean (http://www.astragernika.net/) eszenatokiko riderra dago, adibidez, webaren eskumako aldean.

5.- Diru etekinik sortuko du jarduerak? Horrela bada, azaldu zein egitasmotarako den diru hori, edo zein den dirua ateratzearen helburua. Emanaldiren batengatik kobratuko bada, sarrera gehienez ere 5€koa izango da eta ikastaroen kasuan, orduko 5€ kobratuko da gehienez ere pertsonako.

6.- Zehaztu jarduera burutzeko data eta ordutegia. Proposatu alternatibak; proposamen asko jasotzen ditugu eta sarritan espazioak okupatuta egoten dira. Zenbat eta denbora-tarte handiagoarekin egin proposamena, aukera gehiago izango duzu nahi duzun egun eta ordua libre egoteko.

Gogoratu egitarau lan-taldeak koordinazio lan guzti hau era boluntarioan egiten duela. Beraz, pazientzia apur bat izan, mesedez! Eskerrik asko!


3.2.1. Egitarau lan-taldearen autonomia

Egitarau lan-taldeak, egitaraua koordinatzeaz aparte, zenbait kanpo harreman ere kudeatzen ditu, bertara heltzen baitira Astran jarduerak egingo dituzten pertsona eta eragileen proposamenak, hau da, Astrara heltzen diren proposamenen ohiko ataria da.

Ezinezkoa da astrara iristen diren proposamen guztiak astra koordinadorako asanblean lantzea. Zeregin hori egitarau lan-taldeak hartu du. Betebehar horretarako, autonomia izango du, beti ere Astra proiektuaren filosofia kontuan izanik. Hortaz, Egitarau lan-taldea Astrara heltzen diren proposamenen koordinazioaz arduratzen da.

Horrez gain, Astra Koordinadorak bermatuko du 2KM-an adostutako egitarauaren filosofia betetzen dela. Egitarau lan-taldeak koordinatzen duen egitarauaren informazioa emango dio Astrako asanbleari.

Gauzak horrela, Astra proiektuan eragin handia izan dezaketen proposamenak helduko balira, asanbleatik pasatu beharko lirateke.


Funtzionamenduari dagokionez, egitarau lan-taldea asteartero biltzen da 19:00etan. Bilera irekiak izateaz gain, ordu horretan aurrez-aurreko proposamenak egitera datozen talde edo norbanakoei harrera egiten zaie.


3.3 Azpiegiturak eta obrak

Astrako azpiegiturek Astra proiektuaren filosofiarekin bat egin behar dute. Baliabide konpartituak dira, elkarrekintza sustatzen duten espazioak, kultur eta gizarte mugimenduentzako baliabideak, eta sostengagarriak.

Astra espazio moldagarria eta aldakorra izan behar da. Momentuan dauden jardueretara egokitu behar dute Astrako espazioek: egun batez kontzertu areto, hurrengoan umeentzako gune edo jardunaldietarako bilgune. Malgutasun horrek, hain zuzen, jendartean dauden aldaketei erantzuteko gaitasuna izan behar du. Izan ere, Astra proiektua eta bere baliabideak jendea aldatzen den heinean aldatu behar dira.

Astrako espazio gehienak irekiak eta multifuntzionalak dira, hau da, espazioak ez daude horma finkoen bidez mugatuta, ezta erabilera bakar batera mugatuta ere. Espazio zabal eta irekiek Astran dauden erabiltzaile, proiektu eta abarrek elkar ikusteko eta harremanetan jartzeko aukera ematen du, eta elkarlana eta sinergiak.

Astra proiektua egiten doan zerbait den modu berean, Astrako obrak ere ez dira geratuko. Astrako espazioa ere, proiektua bezala, unean uneko beharren arabera moldatzen joango da, beharrezko obren bidez. Obra horiek adostu egin beharko dira denon artean.

Ikus 5. eranskina


3.4 Komunikazioa eta harremanak

Informazioaren kudeaketa egokia

Astra Proiektuak ezin du funtzionatu jendearen parte-hartzerik barik. Bere kudeaketa konpartitua da, beraz, erabakiak taxuz hartzeko ezinbestekoa da kudeaketaren inguruko informazioa denon esku egotea, transparentziaz. Informazioa ezin da gutxi batzuen esku egon. Hartutako erabakiak, kudeaketan sortutako arazoak, gatazkak, kontu ekonomikoak… edozein herritarren eskura jartzeko ahalegina egiten du dituen komunikazio tresna propioen zein kanpokoen bidez. Kontu ekonomikoak adibidez webgunean daude: www.astragernika.net

Komunikazioa hainbat norabidetan

Komunikazioa bi norabidetan lantzen da. Ez da soilik informazioa ematea, herritarren eta proiektuaren arteko elkarrizketa etengabea behar du Astra Proiektuak, Astra osatzen duen komunitatearekin hitz eginez.

Astrako lan-taldeetako kideek Astrako komunitatearekin harremanetan egon behar dute. Astra Koordinadorako kideak ez dira herritar isolatuak, herriko sare sozial eta kulturalaren parte dira, eta sentsibilitate bat izan behar dute herritarrek, gazteek, sortzaileek, kultur eta gizarte eragileek egiten dituztenen inguruan.

Erabakiguneak

Astrako asanbleak eta lan-taldeen batzarrak informazioa trukatzeko guneak dira.

2.0 ikuspegia

Astrak 2.0 ikuspegiarekin egiten du lan interneten.

Weba

Astrako weba www.astragernika.net da. Haren bitartez, Astran egingo diren ekimenen eta Astra Koordinadoraren jardueren berri ematen da. Webguneak lizentzia librea dauka: CC BY SA.


Interneteko sare sozialak

Astra Koordinadorak Facebook (www.facebook.com/AstraGernika), Twitter (www.twitter.com/AstraGernika) eta Vimeo (http://vimeo.com/user1277221) sare sozialak erabiltzen ditu bere jardueren berri emateko. Astran egiten diren ekimenak, bilerak, Koordinadorari buruzko berriak argitaratzen dira. Horrez gainera, herriko bestelako talde sozial eta kulturalek edo herritarrek antolatutako ekimenen berri ere ematen da.

Berriak eta deialdiak argitaratzeko irizpideak

Astran egiten edo antolatzen diren jarduera guztiak sare sozialetan zabaltzeko ahalegina egiten da. Honek barne hartzen ditu Astran prestatzen direnak, nahiz eta fisikoki jarduerak beste toki batean egin. Hori horrela izateko, komenigarria da Astrako komunikazio lan-taldeari informazioa helaraztea garaiz. Bestetik, Astrako Koordinadoran parte hartzen duten talde eta sortzaileen berriak argitaratzen ere saiatzen da. Batzuetan, Astrako kudeaketa ereduarekin bat egiten duten berriak ere argitaratzen ditugu.

Paperezko euskarriak (kartelak, flyerrak…)

Astra Koordinadorak bere asanblea eta ekimenen berri ematen du kartelen bidez ere. Horrez gainera, hilabete osoko egitaraua jasotzen duten kartelak ere argitaratzen saiatzen da. Beste eragile batzuek antolatutako ekimenen kartelak egin eta jartzearen ardura ekimena antolatzen dutenena da. Kasu berezietan, jakintza edo baliabide faltagatik, Astra Koordinadorak lagundu dezake.

Mailingak

Astra Koordinadorak kudeaketa bileren eta asanbleen berri ematen du e-mail bidez.


3.5 Diruzaintza

Zelan finantziatzen da Astra?

Astraren finantziaziorako baliabide nagusia barra da, baita jarduerak, kamisetak, txosna, errifak ere. Horren bidez ordaintzen dira Astrako gastu gehienak. Gastu arruntak (ura, argindarra, berogailua, igogailua) Gernika-Lumoko udalak ordaintzen ditu (lehenengo urtean 21.566,85 eurokoa izan da gastu hau).

Zertan gastatzen da barratik ateratzen den dirua?

Astran irabazten den dirua herritar guztientzako zabalik dagoen Astra Proiektua mantentzeko erabiltzen da, hau da, Astran ateratzen den dirua Astran inbertitzen da berriz. Astrako azpiegitura eta baliabideak hobetu, Astrako langile bien soldatak ordaindu, ekimenak antolatu, komunikazioa egin.

Zergak ordaintzen ditu?

Bai, Astra Gernikentzako elkartea altan emanda dago elkarteen erregistroan eta haren bitartez zergak ordaintzen ditu Astrak eta bere langile biek gizarte segurantzan kotizatzen dute.m



4. ESPAZIOAK/BALIABIDEAK (Informazio hau batzen dute planoak jarri: espazioen neurria)

Irizpide orokor moduan, esan dezakegu edonork erabil ditzakeela ondorengo baliabideak, baina horretarako ondo koordinatzea beharrezkoa da. Horretarako, ondorengo espazioak erabili nahi ditugunean, kontuan izan behar dugu egingo dugun jarduerarako deialdia publikoa izango den edo ez, eta proiektuaren filosofiaren kontra ez badoa. Honek bide bat edo bestea markatzen du. Deialdi publiko bidez egiten bada, egitarau lan-taldearekin jarriko gara harremanetan; bestela, bitartekariarekin.

4.1 Gorputz adierazpen eta arte eszenikoen faktoria

Gorputz adierazpen eta arte eszenikoen faktoriak erabilera anitzerako ehun metro (zenbakietan jarri) koadroko azalera du, eta oso ondo argiztatuta dago; izan ere, lau hormetatik hiru kristalezkoak dira. Faktoria hau ahalik eta egokien zaintzeko helburuarekin —egurrezko zorua du—, ortozik sartu beharra dago.

Bertan, hainbat eratako jarduerak landu daitezke: antzerki taldeen obrak eta tailerrak; gorputz adierazpenerako tailerrak; herri-antzerkiak; performanceak; dantza mota ezberdinak; yoga, tai-chi eta judo ikastaroak…

4.2 Arte eta eskulanen faktoria

Arte eta eskulanen faktoriakerabilera anitzerako hirurogei metro koadroko azalera du, eta oso ondo argiztatuta dago; izan ere, lau hormetatik hiru kristalezkoak dira.

Faktoria honetan tailerrean bertan eraikitako bi mahai mugikor handi daude lanerako, eta hainbat lan egiteko erreminta eta baliabideak (brokak, mailuak, pintzelak, pintura...). Horrez gainera, materialak eta eskuak garbitzeko lababoa eta erremintak gordetzeko modulu mugikorrak daude.

Bertan, hainbat eratako jarduerak landu daitezke: pintura, eskultura, esku-lanak, antzerkigintzarako eszenografia, mobilizazioetarako eta kanpainetarako baliabideak, konponketa txikiak, “txapuzak”...

4.3 Hacklaba (Hackelarre)

4.4 Komunikazio gela

4.5 Batzar gela

Bi mahai handiz eta Astran egoitza duten elkarte eta taldeen armairuez osatuta dago. Astrako lan-taldeak eta bertan biltzen diren taldeak batzen dira batzar gelan. Horrez gain, bestelako talde eta pertsonak ere biltzeko, bitartekariarekin hitz egin eta ordua adostu behar dute.

Gainera, Astran espazio multifuntzionalak daudenez, batzar gelako mahaiak okupatuta egonez gero, Astran dauden hamar mahai handi mugikorretako bat erabili daiteke batzarra beste nonbait egiteko.

4.6 Barra

Barrak ez du taberna izateko bokaziorik, ez da ohiko ostalaritza zerbitzua. Astran egiten diren jarduera sozial eta kulturalentzako tresna da. Bere ordutegiak eta funtzionamendua jarduera hauetara egokituta daude.

Astrako barra autofinantziaziorako tresna ere bada, bai Astra Koordinadorarentzat -bereziki-, zein Koordinadoran parte hartzen duten edo ez duten eragileentzat. (Ikus eranskinetan Astrako barra hartzeko prozedura).

Arratsaldero dago zabalik 4 orduz eta jardueraren bat balego gauez bere ordutegia luzatua daiteke beti 01:00ak arte. Astrako barraren kudeaketa orokorra Astra Koordinadoraren esku dago.

Ordutan zenbatuz gero, barrako erabileraren %70 lan ordainduan oinarritzen da eta %30 lan bolondresean.

Barrako arduraduna

Barrako arduraduna barraren kudeaketa orokorraz arduratzen da, hau da, barra erabilgarri egoteaz eta ongi funtzionatzeaz. Barraren inguruko espazioa eta harrremanak ere zaintzen ditu. Igandetik ostegunera egiten du lan, eta asteburuan egongo diren jardueren aurreikuspena egin eta horren arabera barrako produktuen eskaerak egiten ditu. Horrez gain, barraren erabileraren inguruko argibideak ematen dizkie asteburuetan barraren ardura hartzen dute pertsona eta eragileei.

Une honetan (2014ko apirila) Adri Perez da Astrako barrako arduraduna eta 590 euro garbiko 15 paga irabazten du urtean lan horregatik. Herritar guztiei zabaldutako prozesu baten bidez aukeratu zuen Astra Koordinadorak. Gainera, bere lan orduetatik kanpo lan boluntarioa ere egiten du, Astra Koordinadorako edozein kidek bezala.

Turnoetan parte hartzeko zer egin?

Bariku eta zapatuetako turnoak era bolondresean betetzen dira, jendearen parte hartzea sustatuz.

   Turnoren batean parte hartu nahi izanez gero, jarri harremanetan bitartekariarekin astelehenetik ostiralera Astran (16:30-20:30) edo info@astragernika.net helbidean.

Kontsumo arduratsua

   Barran kontsumo arduratsua sustatzen saiatzen gara. Bertan dauden produktuak ahalik eta hurbilen sortutakoak eta ekologikoak izan daitezen saiatzen gara. Gaur egun Lurgozo kontsumo ekologikorako elkartearen bazkide eta bezero nagusietako bat gara. 

Horrez gain, ahalik eta hondakin gutxien sortzen saiatzen gara.


4.7 Eszenatokia eta backstage-a

Eszenatokiak 6X 6 metro koadroko azalera du (+ 1,5 metro teloi atzealdean). Sorkuntza lanak erakusteko espazioa da. Kontzertuak, antzezlanak, poesia emanaldiak, bakarrizketak, bertso saioak... egiteko espazioa. Backstage-a eszenatokiaren osagarria da. XXX metro koadro du eta saioen aurretik lasai egoteko eta prestaketak egiteko tokia da. Eszenatokirako zuzeneko sarbidea du.

Horrez gainera, eszenatoki muntagarri baxu bat dago, kontzertu txikiak, hitzaldiak eta bestelako saio txikiak egiteko (2 X 1 metroko zortzi tarima).

Ikus RIDERRA


4.7 Espazio multifuntzionalak

Astra eraikin moldagarria da eta jarduera jakin bat esleituta ez duten espazioak multifuntzionalak dira, hau da, haien erabilera bat edo bestea izan daiteke momentuaren arabera. Astrako espaziorik zabalenak multifuntzionalak dira.


4. 9 Baliabide immaterialak

Espazioa zaintzea

Astrak pertsonen eta taldeen energia behar du funtzionatzeko. Horren barruan sartzen da espazioaren zainketa. Esate baterako, emanaldi baten ostean aulkiak denen artean batzea, mahai bat erabili ostean dena batuta uztea, erabili diren baliabideak aurkitu diren bezala uztea…

Pertsonak eta harremanak zaintzea

Esan dugun bezala, Astran pertsona eta taldeen energiarekin funtzionatzen du. Beraz, ezinbestekoa da zainketa kolektiboak egotea energia hori agortu ez dadin.



5. ADMINISTRAZIO PUBLIKOA ETA ASTRA

Astra Koordinadorak elkarte legala du administrazioarekin eta legediarekin zerikusia duten harremanak aurrera eramateko, hain zuzen ere, Astra Gernikentzako elkartea. Adibidez, Udalarekin sinatutako hitzarmena sinatu ahal izateko eta Ogasunarekiko dituen betebeharrak betetzeko.

Astra Gernikentzako elkarteak, beste edozein pertsona juridikok bezala, errenta aitorpena egiten du eta kontratatuta dauzkan soldatapeko bi langileak gizarte segurantzan altan emanda daude eta euren arloari dagokion konbeniopeko kontratua dute. Zeregin guztiotarako, Astra Koordinadoraren Astra Gernikentzako elkarteak Gernika-Lumoko aholkularitza enpresa bat kontratatu du.

Udalarekin hitzarmena


5. ERANSKINAK

Kontzertuei buruzko atal bat (teknikariak, materiala…)

Garbitasuna

(Koadro baten) Zelan egin proposamenak?

Astran taldeko bilerak edo batzarrak egiteko nahikoa da bitartekariarekin harremanetan jarri eta eskaria egitea. Horretarako bitartekariaren ordutegian (astelehenetik barikura 16:30-20:30) egin dezakezu eskaera ahoz, bitartekariarekin hitz eginda edo e-mailez info@astragernika.net helbidera astebete lehenago idatzita . Telefonoz ere dei egin dezakezu, Astrako bitartekariaren telefonora deituta: 692 600 798.

Gogoratu Astrak badituela biltzeko lekuak, baina okupatuta baleude, zuk zeuk edo taldeak atondu beharko zenukete lekua Astran egongo diren mahai eta aulkiekin.

Bilera hori deialdi publiko bidez egingo balitz, komenigarri da egitaraua@astragernika.net helbidera idatziz. Honela, Astra Koordinadora bilera horren komunikazioan egingo du sareeta eta ohar bidez.

Astran ekintza, jarduera edo proiektuaren bat aurrera eraman nahi izanez gero, egitarau@astragernika.net helbidera idatzi dezakezu edo martitzenetan egitarau lan-taldeak egiten dituen bileretara jo. Matitzenetan egitarau lan-taldearen hasierako ordu erdian, proposamenei arrera egiten zaie. Hau da bertan aurkeztu dezakezu zure proposamena, zalantzak argitu, aukera ikusi, etab...

Astran zerbait egin nahi izanez gero, lehenbizi Astraren kudeaketa ereduaren berri izatea komenigarria da. Astra erabiltzen dute pertsona eta eragileek kudeaturiko espazio da, eta beraz, boluntario lana nagusi da Astraren mantenuan. “Zuk zeuk egin” filosofiak berebiziko garrantzia dauka.

Horregatik, Astra jarduraren bat egitea proposatzen duenak, jarduera horren gaineko ardura hartzen du, hasieratik bukaeraraino. Astra Koordinadorak eta bere lan-taldeek laguntza eskaintzen dute, baina ardura antolatzailearena. Adibide praktiko bat jarriko dugu:

- Afari bat Astran antolatzea:

Zure elkarteak edo kolektiboak proiekzio bat egin nahi du:

   Proposamenak egiteko bide ezberdinak daude. Alde batetik bitartekariarekin hitz egin dezakezu. Berak zure proposamena bideratzeko argibideak emango dizkizu.  


Ordutegiak (eraikinarenak eta lan-taldeenak) Txartelen funtzionamendua (nori eskatu, zelan eskatu, eskubideak eta betebeharrak) Udalarekin harremana (Hitzarmen osoa jarri)



5.2 DIRUZAINTZAKO PROTOKOLOA

ASTRAKO BARRA ERABILTZEKO PROTOKOLOA

Astra gune autogestionatua eta autofinantziatua da. Horregatik, Astra Gernikentzako Elkarteak erakundeei dirulaguntzarik eskatu gabe egin nahi du aurrera. Hori lortzeko, diru iturri finko batzuk bermatu behar ditu hilabetero-hilabetero egunerokotasunak sortzen dituen gastu anitzei aurre egiteko: gastu arruntak, bitartekariaren soldata, barrako langilearen soldata… Argi gera bedi, halaber, Astra Gernikentzako Elkartea diru-irabazi asmorik gabeko elkartea dela.

Barra da Astrako finantziazioaren oinarri garrantzitsua. Horregatik, barra eta diruzaintza lan-taldeek txosten honetan proposaturikoak betetzea oso garrantzitsua izango da autogestioan aurrera egin nahi badugu.

Garrantzitsua ezezik, derrigorrezkoa ere bada. Protokolo hau elkarte antolatzailearen eta Astra Gernikentzako Elkartearen arteko “kontratu”tzat hartuko da. Hau da, berton ageri diren eginbeharrak nahitaez bete beharko dira. Berauen ez betetzeak, hau da, kontratua hausteak, elkarte horrekiko konfiantza galtzea ekarriko du, Astra Koordinadorak neurriak hartuko dituelarik (adibidez, dirua irabazteko barra gehiago ez uztea).

Ekintza bat antolatzerakoan, elkartearen esku gelditzen da:

- Barrako turnoak betetzea. - Birziklatzea: kaskoak, plastikoa eta organikoa. - Itzuli behar diren kaskoak gordetzea: EHKola, kalimotxorako ardaua… - Garbitasuna: Astra garbi eta erabiltzeko prest egon beharko da hurrengo eguneko irekitze ordua baino lehen. Erabilitako espazio guztiek egon beharko dute lehen bezain garbi edo garbiago: o barra barrua eta kanpoa. o Komunak. o Eskenatoki inguru guztia. o Eskailerak. o Sarrera (erretzaileen zigarro-puntak barne)


Astrara sartzeko sarrera kobratu nahi denean, egitarau lantaldearekin eta diruzaintzarekin adostu beharko da. Sarrera, salbuespenak salbuespen, ez da 5 euro baino garestiagoa izango. Salbuespenak, elkarte antolatzailearen, egitarau lantaldearen eta diruzaintza lantaldearen artean adostuko dira. Tratuak ezberdinak izango dira helburuaren arabera. Hau da, talde antolatzaileak sarrerako dirutik etekina atera nahi badu, Astra Gernikentzako Elkarteari eman beharko dio irabazitakoaren %10. Sarrerako dirua ekitaldia finantziatzeko bada (adibidez musika taldeak ordaintzeko), ordea, Astrak ez du ezer hartuko. Ekitaldiaren antolaketan ere argi gera bitez hurrengoak: - Astra Koordinadorak antolatzen dituen ekintzetan, Koordinadorako parte diren elkarteek urtean zehar gutxienez 3 turno egiteko betebeharra izango dute. - Burutuko den ekintza goitik behera lotzea elkarte antolatzailearen lana izango da. Hala ere, Astrako bitartekaria (Goizane 626840478) beti egongo da ahal duen neurrian laguntzeko eta zalantzak argitzeko prest. - Aforoa kontrolatu behar du elkarte antolatzaileak. 600 pertsonako aforoa dauka beheko solairuak.Garrantzitsua da larrialdiko ateak ez oztopatzea, behar direnean erabili ahal izateko.

Egunerako behar diren diru kanbioak, ekintza antolatuko duen elkarteak jarri behar ditu. Gero jasoko ditu kontuak egiten direnean. Ekintza osteko diru-banaketa ekintzaren hurrengo egunetan egingo da, baina ezin da astelehena baino beranduago izan. Barrako diru-sarreren banaketa, Astrak elkarte antolatzailearekin duen harreman motaren araberakoa izango da. Hiru tratu mota bereiziko dira: 1.- Astra Koordinadorako parte den elkarteren bat denean antolatzailea. 2.- Astra koordinadoran parte hartzen ez duen eskualdeko elkarteren bat denean antolatzailea. 3.- Elkarte antolatzailea eskualdetik kanpokoa denean. Ekintza bukatzean kutxan (zikinean) dagoena, kanbioetarako zegoen diru kantitatea kendu ostean, eta kontsumitu diren edariak ordaintzeko diruaren % 45 kendu ostean, hurrengo ehuneko hauetan banatuko da:

Astra Koordinadora Elkarte antolatzailea 1 %40 %60 2 %45 %55 3 %50 %50

Astra Koordinadorak hartzen duen ehunekoarekin gastu guztiak ordaintzeko adina egon beharko da. Horrela ez bada, gorago aipatutako eginbeharren bat ez betetzearren izango denez, kontratua hautsitzat emango da, eta Astra Koordinadorak neurriak hartuko ditu. Ekintza baino lehen, egitarau lantaldeak, barra lantaldeak eta diruzaintza lantaldeak elkarte antolatzailearekin bilera izango dute. Bertan protokolo honetan jarritako neurri guztiak argituko eta adostuko dira, ekintza ahal bezain ondoen irten dadin. hacklab@astragernika.net Es posible cambiar el idioma, en la barra inferior de la pantalla de login...



5.3 HACKLAB

PROGRAMAK: Eskura dauden zenbait programa eta aplikazio: [Aplicazioak]

   [Aplikazioak > Bulegoa]

Testu prozesatzailea: Libreoffice (testu dokumentuak, kalkulu orriak, etab.) Aurkezpenak: Libreoffice Impress

   [Aplikazioak > Internet]
   - Nabigatzailea: Firefox edo Iceweasel
   - FTP: Filezilla
   - Txata (IRC, GoogleTalk): Pidgin
   [Aplikazioak > Grafikoak]

Maketazioa: Scribus Diseinu grafikoa: GIMP Diseinu grafiko bektoriala: Inkscape

   [Aplikazioak > Soinua eta bideoa]
   -VLC

[Lekuak]

   Por aquí se tiene acceso a las carpetas locales y si estas usando un pendrive o un disco duro conectado por usb te saldra en el menú desplegable.

[Sistema]

   Las herramientas que se utilizan para administrar el sistema y las preferencias se encuentran en esta pestaña.    

RECOMENDACIONES

Al comenzar asegurate de que todo está correctamente conectado si el equipo no se enciende. Haz un uso responsable del puesto y del equipo y asi, nos ayudaras en la conservacion y mantenimiento de los ordenadores y el espacio. La usuaria astragernika es pública y todas las personas que quieran pueden usarla. Así que kontuz con los documentos que dejas ahí pues todo el mundo puede acceder a ellos. Intenta mantener cierto orden con los archivos, carpetas, etc. Recuerda llevarte en tu pendrive o disco duro todo lo que consideres importante. Cuando termines apaga el equipo si no va a usarlo nadie y deja la mesa limpia y recogida.

[Render public_place]


ORDENADORES Y SOFTWARE Encontraras varios ordenadores en la planta 0: ludoteca, barra...

Y en la sala del primer piso hay 7 Pcs o terminales públicas, con acceso a internet y con una serie de programas de licencia libre para usar en lo que necesites. Además hay una terminal móvil con un proyector, dedicada a presentaciones, charlas, documentales, etc.

FTP (archivos en red de Astra ): Si algun colectivo o persona necesita cuenta propia para el FTP, escribir a hacklab@astragernika.net

WIFI-GUNEA: Publikoa: - AstraGernikentzako Pasahitza: -AstraGernika >



ASTRAREN PARTE-HARTZE PROZESUA

   Ezaguna denez, Astra Proiektua parte-hartze prozesu baten ondorioz adostu eta osatu zen: 0 kilometroa, 1 kilometroa eta 2 kilometroa.

0 Kilometroa

           Astraren etorkizuna definitu eta erabakitzeko jaio zen batzarra. Bertan,  filosofia eta kudeaketa eredua erabaki ziren, baita proiektua erredaktatzen hasi ere. Gainera, oinarri filosofikoak adostu zituzten koordinadorakoek eta batzarretara hurbildutakoek: (irekia, parte-hartzailea, askotarikoa, jasangarria, autogestionatua, moldagarria, saregilea, kontrol sozialik gabekoa…)


1 Kilometroa

           Aurreko ataleko parte-hartze prozesua burutu ostean, 1 kilometroa martxan jarri behar zela adostu zen aho batez. Hori gertatu bitartean, hainbat gertaera jazo ziren herrian, Astrarekin zuzen-zuzen lotuta zeudenak.

           Batetik, 2007ko ekainean udal hauteskundeak izan ziren. Sasoi hartara arte, EAJ egon zen alkatetzan; hala ere, urte hartan EAk eta Ezker abertzaleak udal gobernu berria eratu eta alkate aldaketa gertatu zen Gernika-Lumon. Astrari dagokionez, eraikinaren egoera jakin nahi zutenez, karga probak burutzeari ekin zioten. Emaitza zera izan zen, egitura erabat hauts eginda zegoela eta komenigarria zela berreraikitzea. Ondorioz, koordinadorak udalarekin hitzarmena sinatu zuen: ekintzak aurrera ateratzeko, beste toki bat uztea udalak, Astra konpondu arte.

           Hala, hitzarmena sinatu eta ez-ohiko batzordea eratu zen: Astra Batzordea. Talde horretan, gobernuko kideez gain, gainontzeko talde politikoek parte hartu zezaketen, eta, neurri batean, hala egin zuten. Horrenbestez, 2007ko irailean proiektua jendaurrean aurkeztu ostean, herriko alkateak eta koordinadorako kide batek hitzarmena sinatu zuten urte bereko urrian. Hitzarmen horretako punturik esanguratsuenak, besteak beste, hurrengoak ziren:

a) Udalak Astra berreraiki behar zuen. b) Berreraiki ondoren, kudeaketa eta erabilera koordinadoraren esku utzi behar zuen. c) Espazioen definizioa eta banaketa 1 kilometroa parte-hartze prozesuaren bidez egingo zen, herritarrekin batera.

Horiek horrela, hasiera eman zitzaion 1 kilometro prozesuari. Horretan ere, Parte Hartuzen laguntza izan zuten, erabakiak modurik zabalenean adosteko. Batzar horietan eztabaidagaiak hiru izan ziren: lehenik, eraikinaren espazioen beharrizana aztertzea; bigarrenik, irizpide arkitektonikoak zehaztea; eta, azkenik, proiektu arkitektonikoaren diseinua egitea (espazio zabal eta moldagarriak, energia mendekotasunik gabea, espazio biribilak bileretarako, gela txikiak lanerako…).

 2 kilometroa

           Eguneroko kudeaketan sakontzeko asmoz, proiektuaren aurreikuspena egitea izan zen bigarren kilometroaren helburua; hau da, Astra martxan imaginatzea, egunerokoan zelan funtzionatuko zukeen irudikatzea, horretarako, bai aurreikuspenak, bai egon zitezkeen egoeretara egokituko liratekeen prozedurak eta protokoloak zehaztuz.
           
           Kudeaketaz gain, proiektuaren euskarri ekonomikoak zehaztu ziren; izan ere, proiektuaren erronkarik handienetarikoa hura zen. Proiektua ekonomikoki bideragarria izateko, hots, baliabide materialetarako, espazioen mantenamendu orokorrerako zein antolatu nahi diren jarduera komunetarako finantzazio eredua zehaztu zen.
        

Gainera, proiektua egunerokotasunean bideragarria izan zedin ezinbesteko bi langile beharrezko izango zirela zehaztu zuten: batetik, bitartekaria, zeina herriko eragileen zein kanpokoen eta Astraren arteko gidaritza lanak egingo zituzkeen (taldeei harrera, beharrezkoak diren azalpenak eman…); bestetik, barrako langilea, domekatik eguenera.




FALTA DA

Hitzarmena Kontzertuak Espazio komunen mantenimendua Diruzaintza