ASANBLADAREN HELBURUA:  Astra [Kulturarako fabrika soziala] zelango Kudeaketa eredua izango duen definitzen hastea.
IRAUPENA: gehienez 2 ordu ta erdi.

SAIOAREN GARAPENA (Parte Hartuz ikertaldeko lagunekin batera osatu dugu. Eskerrik asko!):

1) Ongi etorria, saioa kokatzea eta dinamizatzaileak aurkeztea:    [10']

- Liburuxka banatu eta, jende berria egon daitekeenez, bertan orain arte egindako ibilbidearen laburpena dagoela aipatzea: 0Km eta Astra proiektua; 1km. proiektu arkitektonikoa eta faktoria ezberdinak; 2km. Astraren funtzionamendua irudikatzea (1. saioa) eta kudeaketa-eredua definitzea (gaurko saioa). ( … )

Zapatuan, datozen hilabeteotan luzatuko den 2 kilometroa parte-hartze prozesua hasi genuen. Jende kopuru polita bildu ginen eta datozen saioetarako hainbat eztabaidagai azaldu ziren. Beti bezala, bilera apur bat luzatu zen eta lan-taldeen dinamikara heldu ezinik ibili ginen. Hurrengoa saioa martxoaren 31n izango da, Gernikako Gaztetxean. Eutsi goiari!

Lantzean egiten dugun moduan, gaur Astra Koordinadorako kide bi Astraren zaharberritze lanen jarraipena egitera hurbildu dira. Arkitektoaren eta udaleko teknikariekin batera eraikinaren inguruko azken gora-beheren berri izan dute.

Astrako planoa ikus dezakezue hemen, bertan egongo diren espazio eta baliabideekin. Hemen irudikatzen dena Astra Proiektuan erabakitakoa da. Beheko solairua eta lehenengoa martxan jartzeko diru-laguntzak jaso ditu Udalak. Beraz, oraingoz ez da bigarren solairua atonduko, baina Astra Koordinadorak lan egingo du solairu hau ahalik eta arinen erabilgarri egon dadin.